حكايات قمري طيب فاروق

                                  حكايات قمري طيب فاروق

من صغري عندي حاجات ربانية وكان وحد الشيخ يتبعني من صغري وكي نروح نضيف عند كاش واحد الشيخ يقولي روح يا ولدي راك مستور ماتخاف والو،ما ننجمش نحكي كلش لاخاطرش كاين حاجات ربانية ما نقدرش نحكيهم الآن.

---------------------------------------------------------------------------------

يا معاديني من غير سبا عيب وعليك ،الأرض و السماء ما راهم ليك ،طامع في الدنيا لي ماهي ليك ،يا طبيب  من غيري ما تداواش مرضك رباني وما تعرف واش فيك ،الكبير يشوف الدرجح سلوم والله يرحم ما كلتوم.

---------------------------------------------------------------------------------

يا بن عمي يا بن عمي ،لو نحكيلك فرحي و همي ،الجلجلي و القبلي عصرلي دمي  ،الا نزيدلك هم اللي من دمي ،الشرقي ريحو قارس وريح القبلي سخون يحرقني والغربي قلبو بارد معشش في دارو،ولد العاصمة عوام ما يتحاصر.

--------------------------------------------------------------------------------

علاش غلقتولي السيت نتاعي عندي حوايج لازم نبلغهم للشعب واللي غلق السيت البلاد هاذي تصرا فيها كارثة ربانية،الوزارة لي حاب يدي الرايس وعندوا أفكار مخليها ترشا في راسوا،نتا حساد وعلاش ما مديتش الأفكار نتاعك كي كنت في الوزارة،هاذو الناس ما تنتخبوهمش،انتخبوا على واحد براني،ربي  مايحتاجش محامي يدافع عليه،ماكاش لي ربي عطاه رخصة باش يقتل،هاذو الأحزاب لي يجوك باسم الدين ماكالاش يتدخلوا باسم الدين ف الرئاسة،الشعب طالب أشياء اقتصادية،والديمقراطية ما فيهاش 5عهدات.

قراءة المزيد

حكايات قمري الطيب فاروق

                                                                  

                           حكايات قمري طيب فاروق 23/02/2019

في الخمسة وثمانين كان عندي طفل باش نطهرو باش يدخل يقرا،وجدتلو كامل الحوايج نتاوعو باش نطهرو،عندي خياتي قالولي عندك طفل واحد و ما تطهروش حتى تجيبلنا قروابي،حبسولي العرس وفي هذاك الوقت كنت نخمم:الطفل هذا في عمروا 5 سنين قاعد قدام التلفزيون نشوف وجهو ولا حمر ورشو العرق قدام عينيه و ممبعد راحت التريسيتي وحد الزوج دقايق في الدشرة كيجات التريسيتي الطفل قال ليماه مانيش كيما كنت،طهروه الملايكة،طاحت غير قطرة تاع دم فالكارلاج،النساء بداو يزغرتوا ولبسولو الجلابة والذراري لخرين بداو يبكو خافو يزيدوا يطهروهم،كان راجل ختي بايت ثما ونخلع ،موراها بشهر الطفل مرض وانتفخ،ديتو للطبيب قالولي ماتهدرش للطبيب بصح أنا قلت للطبيب كي سقساني شكون طهرو قتلو تطهر من عند ربي،قالي سبحان الله راه مطهر خير من لي يطهروا طبيب وقالي راه كبير كيفاه طهروه الملايكة.،عطاني 6 ابرات درتهملوا وراحلو النفخ موراها بشهرين خسرتلوا الطهارة وعاودتلو عند الحجاب و عاودت درت عليه عرس باش يدخل يقرا.خسرولي العزيمة كامل،وقالولي اللسبة بلي هدرت للناس لأنو لازم ما تهدرش،هاذي حكاية ربانية.

---------------------------------------------------------------------------------

بنيت فيلا بعيدة ومطرفة،جايا مفتوخة في الوسط وعالية 8 أمتار،الفوق مادرتلهاش تواقي،بدا الهول تاع 1994 خليتها ،سكنها الحمام ،وحد النهار كنا فالدار القديمة شعلت البوست في الميديا 1 و ميديا 1 قالولي ماعرفتش روحك شكون نتا،قالولي شوف دارك ساكن فيها الحمام ومازقش عليها ،رحت أنا نشوف لقيت الحمام كامل لاسق فيها و الزق ماكانش لا برا لا الداخل،أنا بقيت نخمم وهدرت للناس ،أنا هدرت والحمام عمرها بالزق الداخل،وحد النهار ديت العايلة تما باش يعومو في لا بيسين نتاعها،شعل البوست في ميديا 1 وقلت والله نكتب بالرومية وأنا داخل الدار وكتبت hh واجبوني ميديا واحد 1 وهدروا hh و موراها قالولي راه جايك ضيف ،خرجت لبرا ولقيت شوفور تاع كاميو عند خويا ،وقالولي بلي ارهابي وراح يكسر الكاميو لخوك،ضاربت معاه.

قراءة المزيد

كلمات قمري طيب فاروق

قراءة المزيد

كلمات قمري طيب فاروق

                                                     

                           كلمات قمري طيب فاروق 02/01/2019

تلومي عينيا لي يحبوك,شكرك قلبي على القساوة لي فيك,تايه ماقدرت نعوم في حبك.
ما تدلني على العنوان كثر البيبان حبي غالط فيك’الجواهر ما رضاوك كيفاش نوصل ليك؟

تهمونا الناس بكلامهم وأنا ماني ليك.الدنيا طويلة و أعمارنا قصيرة وما نصبر عليك.

نهانت الدمعة ماليها قيمة وشكون ينجيك,أضحكي ضحكت المنام و الدنيا تضوا عليك.

لو تفرزي طيور الليل تعرفي لي غنا عليك,لو تعرفي الملاك واش يتناول من طعام الدنيا نضويها عليك.

دنية الأحلام فيها وشكون ينجيك،أصبري،أصبري حتى نلاقيك.

  

قراءة المزيد